🌿 ಅಗ್ಗದ ಟೊಮೇಟೋ… ಮೌನದ ಒತ್ತಡ

ಇಂದು ಮಾರುಕಟ್ಟೆಯಲ್ಲಿ ಹೋಲ್‌ಸೇಲ್ ಟೊಮೇಟೋ ಕೆಜಿಗೆ ₹2ಕ್ಕೆ ಸಿಗುತ್ತಿದೆ.
ಒಮ್ಮೆ ₹100 ಆಗಿದ್ದ ಅದೇ ಟೊಮೇಟೋ…

ಇದು ಖುಷಿಯ ವಿಷಯವಾ?
ಅಥವಾ ಏನೋ ತಪ್ಪಾಗಿದೆ ಎನ್ನುವ ಸೂಚನೆಯಾ?

ನಮ್ಮ ರೈತನ ಕಣ್ಣಲ್ಲಿ ಇದು ನಷ್ಟದ ಕಥೆ.
ನಮ್ಮ ಮನೆಯ ಅಡಿಗೆಮನೆಗೆ ಇದು “ಅಗ್ಗವಾಗಿ ಸಿಕ್ಕ ಸಂತೋಷ”.

ಆದರೆ ರಸ್ತೆಯ ಮೇಲೆ ಓಡುತ್ತಿರುವ ಆಟೋ ಚಾಲಕನಿಗೆ?

ಅವನಿಗೆ LPG ಸಿಗುತ್ತಿಲ್ಲ…
ಸಿಕ್ಕರೂ ಬೆಲೆ ಏರಿದೆ…

ಅವನ ದಿನದ ದುಡಿಮೆ ಇಂದು ನಿಲ್ಲುವ ಹಂತಕ್ಕೆ ಬಂದಿದೆ.

ಕಾರವಾರದ ಆಟೋ ಚಾಲಕರೊಬ್ಬರು ಹೇಳಿದ ಮಾತು ಕಿವಿಯಲ್ಲಿ ಮರುಳುತ್ತಲೇ ಇದೆ—

“ದಿನಕ್ಕೆ ಸಾವಿರ-ಒಂದೂವರ ಸಾವಿರ EMI ಕಟ್ಟಬೇಕು…
ಒಂದು ವಾರದಿಂದ ದುಡಿಮೆ ಇಲ್ಲ…
ಹೀಗೇ ಆದರೆ ಸಾಯುವುದೊಂದೇ ಕೊನೆಯ ದಾರಿ…”

ಎಂತಹ ದುರಂತ ಇದು!

ಎಲ್ಲೋ ಯುದ್ಧ ನಡೆಯುತ್ತಿದೆ…
ಆದರೆ ಅದರ ಬಿಸಿ ಇಲ್ಲಿಗೂ ತಟ್ಟಿದೆ…

ಶಾಂತಿ ಸ್ಥಾಪನೆಗೆ, ಒಳ್ಳೆಯದನ್ನು ಸಾಧಿಸಲು ಯುದ್ಧ ಅನಿವಾರ್ಯ ಎಂದು ವಾದಿಸುವವರು ನಮ್ಮಲ್ಲಿದ್ದಾರೆ.

ಆದರೆ ಯಾವುದೇ ತಪ್ಪು ಮಾಡದ ನಿಷ್ಪಾಪಿ ಜೀವಗಳು
ಈ ಯುದ್ಧದಾಹಕ್ಕೆ ಬಲಿಯಾಗಬೇಕು ಯಾಕೆ?

ಈ ಪ್ರಶ್ನೆಗೆ ಉತ್ತರ ಕೊಡುವವರು ಯಾರಾದರೂ ಇದ್ದಾರೆಯೆ?

ಒಂದು ಕಡೆ ಟೊಮೇಟೋ ಬೆಲೆ ನೆಲಕ್ಕೆ ಬಿದ್ದಿದೆ…
ಮತ್ತೊಂದು ಕಡೆ ಗ್ಯಾಸ್ ಬೆಲೆ ಆಕಾಶಕ್ಕೇರಿದೆ…

ಇವು ಎರಡು ಬೇರೆ ಕಥೆಗಳಾ?

ಇಲ್ಲ… ಇವು ಒಂದೇ ಕಥೆಯ ಎರಡು ಮುಖಗಳು…

ದೂರದ ದೇಶಗಳಲ್ಲಿ ನಡೆಯುತ್ತಿರುವ Iran – Israel ನಡುವಿನ ಸಂಘರ್ಷ…

ಇದು ಈಗ ನಮ್ಮ ಮನೆ ಅಡಿಗೆಗೂ,
ನಮ್ಮ ರೈತನ ಹೊಲಕ್ಕೂ,
ನಮ್ಮ ನಗರದ ಆಟೋ ಸ್ಟ್ಯಾಂಡ್‌ಗೂ ತಲುಪಿದೆ…

ಹೋಟೆಲ್‌ಗಳು ಕಡಿಮೆ ಅಡಿಗೆ ಮಾಡುತ್ತಿವೆ…
ಬಲ್ಕ್ ಖರೀದಿ ಕಡಿಮೆಯಾಗಿದೆ…

ಅದರ ಪರಿಣಾಮ— ರೈತನ ಬೆಳೆಗೆ ಬೆಲೆ ಇಲ್ಲ.

ಕೆಲವರು ಹೇಳುತ್ತಾರೆ—
“ಯಾವ ಸಮಸ್ಯೆಯೂ ಇಲ್ಲ…”

ಕೇಂದ್ರದ ಮಂತ್ರಿಗಳು, ಸರಕಾರಿ ನೋಟಿಸ್‌ಗಳು
ಪೂರೈಕೆಯಲ್ಲಿ ತೊಂದರೆ ಇಲ್ಲ ಎಂದು ಹೇಳುತ್ತವೆ.

ಇನ್ನೊಂದು ಕಡೆ ಕಾಳಸಂತೆಯವರನ್ನು ಹಿಡಿದ ಸುದ್ದಿಗಳು…

ಸಾವಿನ ಮನೆಯಲ್ಲಿ ಗಳ ಹೀರಿಕೊಳ್ಳುವವರಂತೆ
ಈ ಸಂದರ್ಭವನ್ನೂ ದುರುಪಯೋಗಪಡಿಸಿಕೊಳ್ಳುವವರು…

ನಿಜವಾಗಿಯೂ ಮನುಷ್ಯರಾ?

ಆದರೆ ನೆಲದ ಮೇಲೆ ನಿಂತಿರುವವನಿಗೆ
ಸತ್ಯ ಬೇರೆ ಕಾಣುತ್ತದೆ…

ಸಂಪೂರ್ಣ ಸಂಕಷ್ಟವಲ್ಲ…
ಆದರೆ ಸಂಪೂರ್ಣ ಶಾಂತಿಯೂ ಅಲ್ಲ…

ಇದು ನಾವು ಎಲ್ಲರೂ ಅನುಭವಿಸುತ್ತಿರುವ
ಒಂದು ಮೌನ ಒತ್ತಡ…

ಇಂದು ನಾವು ₹2 ಟೊಮೇಟೋ ನೋಡಿ ಖುಷಿಪಡಬಹುದು…

ಆದರೆ ಅದೇ ಟೊಮೇಟೋ ಬೆಳೆದ ರೈತನ ಮನಸ್ಸನ್ನು
ಒಮ್ಮೆ ನೆನಪಿಸಿಕೊಳ್ಳೋಣ…

ಒಮ್ಮೆ ಆಟೋ ಚಾಲಕನ ಸ್ಥಿತಿಯನ್ನು
ಅರ್ಥಮಾಡಿಕೊಳ್ಳೋಣ…

ಜೀವನ ನಮಗೆ ಒಂದೇ ಸಮಯದಲ್ಲಿ ಅಗ್ಗವಾದುದನ್ನೂ ಕೊಡುತ್ತದೆ… ಜೊತೆಗೆ ಒಂದು ಪಾಠವನ್ನೂ ಕಲಿಸುತ್ತದೆ…

👉 ನಾವು ನೋಡುವ ಬೆಲೆ ಮುಖ್ಯವಾ?
👉 ಅಥವಾ ಅದರ ಹಿಂದೆ ಇರುವ ಬದುಕಿನ ಕಥೆಯಾ?

👉 ದುಡಿದದ್ದು ಉಳಿಯೋದಿಲ್ಲ ಯಾಕೆ?
👉 ಬಾಲ್ಯ ಇನ್ನೂ ನಮ್ಮೊಳಗೆ ಬದುಕುತ್ತಿದೆ
👉 ಜೀವನದ ಮೌನ ಪಾಠಗಳು

ನಿಮ್ಮ ಅಭಿಪ್ರಾಯ ಏನು? ಕಾಮೆಂಟ್‌ನಲ್ಲಿ ತಿಳಿಸಿ…